आंतरराष्ट्रीय पातळीवर उत्तम
कामगिरी करा-रामराजे
नाईक निंबाळकर
नाशिक, दि. 31:- राज्यातील कबड्डी
खेळाडुंनी आंतरराष्ट्रीय पातळीवर उत्तम कामगिरीसाठी चांगली तयारी करावी आणि
खेळातील कौशल्य आत्मसात करावे, असे प्रतिपादन विधान परिषदेचे सभापती रामराजे
नाईक-निंबाळकर यांनी केले.
सिन्नर
येथे 66 व्या वरिष्ठ गट पुरुष व महिला राज्य अजिंक्यपद व निवडचाचणी कबड्डी
स्पर्धेच्या उद्घाटन प्रसंगी ते बोलत होते. कार्यक्रमाला जि.प.अध्यक्षा शितल
सांगळे, खासदार हेमंत गोडसे, आमदार राजाभाऊ वाजे, माजी आमदार व नाशिक जिल्हा
कबड्डी संघटनेचे अध्यक्ष जयंत जाधव, नगराध्यक्ष किरण डगले, महाराष्ट्र कबड्डी
संघटनेचे अध्यक्ष किशोर पाटील, जि.प.च्या समाज कल्याण सभापती सुनिता चारोस्कर आदी उपस्थित
होते.
श्री.निंबाळकर
म्हणाले, कबड्डी खेळाची वाढती लोकप्रियता
लक्षात घेता कबड्डीकडे करिअर म्हणून लक्ष देणे गरजेचे आहे. स्पर्धेत टिकण्यासाठी
शारिरीक क्षमतेचा विकासही महत्वाचा आहे, असे त्यांनी सांगितले.
जिल्ह्यातून
कबड्डीचे चांगले स्पर्धक तयार व्हावेत यासाठी स्पर्धांचे आयोजन दरवर्षी करण्यात
येईल, असे श्रीमती सांगळे यांनी सांगितले.
आमदार
वाजे आणि श्री.पाटील यांनीदेखील यावेळी मनोगत व्यक्त केले.
स्पर्धेत पुरुष व महिलांचे प्रत्येकी 25 संघ
सहभागी झाले असून 600 खेळाडु आपले कौशल्य दाखविणार आहेत. पुरुषांचे 51 व महिलांचे
41 सामने 5 दिवस रंगणार आहेत.
-----
No comments:
Post a Comment