ॲडवेंचर अवेअरनेस प्रोग्राम

साहसी उपक्रमातील सुरक्षिततेबाबत शिबीराचे आयोजन

           

          नाशिक दि.29- जिल्हा क्रीडाधिकारी कार्यालय, सवंगडी संस्था आणि कर्मवीर शांताराम कोंडाजी वावरे महाविद्यालय सिडको यांच्या संयुक्त विद्यमाने ॲडवेंचर ट्रेनिंग इन्स्टिट्युट अंजनेरी येथे पहिल्या ‘ॲडवेंचर अवेअरनेस प्रोग्राम’चे (साहसी उपक्रमातील सुरक्षितता व सावधगिरी) आयोजन करण्यात आले.

          सकाळी 6.30 वाजता प्रशिक्षणाला सुरवात करण्यात आली. एकूण 90 प्रशिक्षणार्थी या उपक्रमात सहभागी झाले. उत्तर काशी येथील नेहरु इन्स्टिट्युट ऑफ माऊंटेनिअरींग संस्थेत प्रशिक्षण घेतलेल्या सुजीत पंडीत यांनी रॅपलींग, ट्रेकींग, हायकींग करताना घ्यावयाच्या काळजीबाबत मार्गदर्शन केले. गंभीर परिस्थितीत सुरक्षितता व सावधगिरी कशी बाळगावी याबाबत त्यांनी माहिती दिली.

          डॉ.मिनाक्षी गवळी यांनी प्राणायम आणि योगाभ्यासाचे प्रशिक्षण दिले. यावेळी जिल्हा क्रीडाअधिकारी रविंद्र नाईक, सुनिल आहेर, क्रीडा शिक्षक/संघटक संजय पाटील, अरविंद चौधरी, रेखा परदेशी , डॉ. सचिन पाटील, सिमाली नाईकआदी उपस्थीत होते.

          जिल्हा क्रीडाधिकारी कार्यालयातर्फे अंजनेरीच्या पायथ्याशी उभारण्यात आलेल्या संस्थेत अशा स्वरुपाच्या प्रशिक्षणाचे आयोजन करण्यात येणार असून इच्छुक संस्थांनी कार्यालयाशी संपर्क साधावा, असे आवाहन जिल्हा क्रीडाधिकारी नाईक यांनी केले आहे.

           

---