जीवनात
यशस्वी होण्यासाठी वाचन आवश्यक-डॉ.बी.जे.भंडारे
नाशिक दि.21- जीवनात यशस्वी
होण्यासाठी वाचन, कौशल्य आणि स्वावलंबन आवश्यक आहे, असे प्रतिपादन
केटीएचएम महाविद्यालयाचे उपप्राचार्य डॉ.बी.जे.भंडारे यांनी केले.
जिल्हा माहिती कार्यालय,नाशिक व के.टी.एच.एम. महाविद्यालय यांच्या
संयुक्त विद्यमाने आयोजित लोकराज्य वाचक मेळाव्यात ते बोलत होते. यावेळी जिल्हा
माहिती अधिकारी डॉ.किरण मोघे, प्रा.डॉ. दिलीप पवार, प्रा. बाबुराव बोनाटे, प्रा. मोहन पवार, प्रा. रामनाथ रावळ, प्रा.उत्तम जाधव उपस्थित
होते.
श्री.भंडारे म्हणाले,स्पर्धेच्या जगात वावरत असतांना अधिक ज्ञान प्राप्तीसाठी
प्रत्येक विद्यार्थ्याने वाचन केले पाहिजे. ज्ञानाधारीत समाजात
वावरताना प्रगती साधण्यासाठी वाचन हा उत्तम पर्याय आहे. लोकराज्य मासिक संदर्भासाठी उपयुक्त असून
त्यातील यशकथा प्रेरणादायी असल्याचे त्यांनी सांगितले. विद्यार्थ्यांनी
ज्ञानग्रहण करताना विविध कौशल्यदेखील आत्मसात करावे, असे आवाहन त्यांनी
केले.
डॉ.पवार यांनी प्रास्ताविकात लोकराज्यचे विशेषांक
वाचनीय असल्याचे सांगितले. डॉ.मोघे यांनी
राज्य शासनाच्या माहितीदूत उपक्रमाची माहिती दिली.
**********
No comments:
Post a Comment