खान्देश महोत्सव

पालकमंत्र्यांची खान्देश महोत्सवास भेट

नाशिक, दि.30 :  राज्याचे वैद्यकीय शिक्षण, जलसंपदा व लाभक्षेत्र विकास मंत्री तथा जिल्ह्याचे पालकमंत्री गिरीष महाजन यांनी खान्देश महोत्सावास भेट दिली. यावेळी त्यांनी  प्रदर्शनाला भेट देऊन खान्देशी पदार्थ आणि विविध वस्तुंची माहिती घेतली. त्यांचे समवेत खान्देश महोत्सवाच्या आयोजक आमदार सीमा हिरे, पोलीस आयुक्त डॉ.रवींद्र सिंगल आदी होते.

श्री.महाजन म्हणाले, खान्देश महोत्सवाच्या माध्यमातून खान्देशच्या लोप पावत चाललेल्या वैभवशाली परंपरेचे दर्शन होत आहे. काळाच्या ओघात लुप्त होणाऱ्या अशा परंपरांचे संवर्धन करणे आवश्यक आहे. नव्या पिढीला महोत्सवाच्या माध्यमातून खान्देशी लोकसंस्कृती आणि लोकजिवनाचे दर्शन घडेल, असा विश्वास त्यांनी व्यक्त केला.

कुंभमेळ्यानंतर एका चांगल्या सांस्कृतिक सोहळ्यात सहभागी होण्याची संधी मिळाल्याचे नमूद करून आमदार श्रीमती हिरे यांनी महोत्सवाचे उत्तम आयोजन केल्याचे त्यांनी सांगितले.

-----