विभागीय
आयुक्तांकडून विशेष मतदार नोंदणी मोहिमेचा आढावा
नाशिक, दि.22- विभागीय आयुक्त तथा नाशिक पदवीधर मतदारसंघाचे मतदार नोंदणी अधिकारी एकनाथ डवले
आणि जिल्हाधिकारी तथा सहाय्यक मतदार नोंदणी अधिकारी
राधाकृष्णन बी. यांनी विविध मतदार नोंदणी केंद्रांना भेट देऊन विशेष मतदार नोंदणी
मोहिमेची माहिती घेतली.
नाशिक विभाग पदवीधर मतदारसंघाच्या नव्याने मतदार याद्या
तयार करण्याचा कार्यक्रम भारत निवडणूक आयोगाने जाहीर केला आहे. त्यानुसार नाशिक
पदवीधर मतदारसंघाची 1 ऑक्टोबर 2016 पासून मतदारनोंदणी सुरु झाली
आहे. मतदार नोंदणी कार्यक्रमाला गती देण्यासाठी नाशिक विभागातील सर्व पदनिर्देशित अधिकारी यांच्या
कार्यालयात तसेच महसूल मंडळ कार्यालयात 22 व 23 ऑक्टोबर या शासकीय सुट्ट्यांच्या
दिवशी जास्तीत जास्त मतदार नोंदणी होण्याच्या दृष्टीने विशेष
मोहिम राबविण्यात येत आहे.
श्री.डवले यांनी जिल्हाधिकाऱ्यांसह सातपूर येथे मंडळ
अधिकारी राजेश मोरे यांचेकडून विशेष मोहिमेची माहिती घेतली. त्यांनी मतदार
नोंदणीसाठी आलेल्या नागरिकांशी चर्चा केली. तसेच त्यांनी विविध ठिकाणी भेट देऊन
मतदार नोंदणीबाबत अधिकारी आणि कर्मचाऱ्यांना सूचना दिल्या.
ही विशेष मोहिम रविवार 23 ऑक्टोबर रोजी देखील सुरू राहणार
असून अधिकाधिक नागरिकांनी यात सहभाग घेऊन नोंदणी करावी, असे आवाहन श्री.डवले आणि
श्री.राधाकृष्णन बी. यांनी केले आहे.
****
No comments:
Post a Comment