लोकराज्य विशेषांक संदर्भासाठी उपयुक्त-रामदास खेडकर

        नाशिक, 21- लोकराज्यचा ‘आषाढ वारी’ विशेषांक वाचनीय आणि संदर्भासाठी अत्यंत उपयुक्त आहे, असे प्रतिपादन निवासी उपजिल्हाधिकारी रामदास खेडकर यांनी केले.

        जिल्हाधिकारी कार्यालयात विशेषांकाचे प्रकाशन श्री.खेडकर यांच्या हस्ते करण्यात आले. यावेळी उपजिल्हाधिकारी दिपक कासार, जिल्हा सुचना विज्ञान अधिकारी राजेश साळवे, जिल्हा माहिती अधिकारी डॉ.किरण मोघे, प्रथमेश गायकवाड , साहेबराव जगताप आदी उपस्थित होते.

        श्री.खेडकर म्हणाले, लोकराज्य मासिकाला विशेषांकाची चांगली परंपरा आहे. डॉ.बाबासाहेब आंबेडकर विशेषांक, पर्यावरण विशेषांकदेखील संदर्भासाठी उपयुक्त होते. स्पर्धा परिक्षेच्यादृष्टीने आणि शासनाच्या विविध योजनांची माहिती अधिकृतपणे लोकराज्यच्या माध्यमातून उपलब्ध होते, असे त्यांनी सांगितले.

          लोकराज्य मासिक जिल्ह्यातील विविध वृत्तपत्र विक्रीच्या स्टॉल्सवर आणि जिल्हा माहिती कार्यालयात उपलब्ध असल्याची माहिती यावेळी डॉ.मोघे यांनी दिली.

----