नवीन महसुली सझा

नवीन महसुली सझांच्या प्रारुपावरील हरकती नोंदवण्याचे आवाहन

नाशिक दि.16:- जिल्ह्यात क्षेत्रीयस्तरावर महसूली सझांची पुनर्रचना व नवीन सझांची निर्मिती बाबत प्रारूप अधिसूचना प्रसिद्ध करण्यात आली असून यावरील कोणत्याही प्रकारच्या हरकती, सुचना असल्यास 31 ऑगस्ट 2017 पर्यंत लेखी स्वरूपात संबंधीत उपविभागीय अधिकारी यांचे कार्यालयात दाखल कराव्यात. सदर अधिसूचना नाशिक जिल्हाधिकारी कार्यालयातील महसूल शाखेत तसेच जिल्ह्यातील सर्व तहसिलदार कार्यालयात सुट्टीचे दिवस वगळून 31 ऑगस्ट 2017 पर्यंत शासकीय वेळेत पाहण्यासाठी उपलब्ध आहेत.  अधिसूचनेबाबत मुदतीनंतर  प्राप्त झालेल्या हरकती व सुचना विचारात घेतल्या जाणार नाहीत, असे जिल्हाधिकारी राधाकृष्णन बी. यांनी कळविले आहे.

                                                                   ----