पालकमंत्री गिरीष महाजन यांच्या हस्ते मुख्य शासकीय ध्वजारोहण
नाशिक दि.26: भारतीय प्रजासत्ताकाच्या 69 व्या
वर्धापन दिनानिमित्त पोलीस कवायत मैदान येथे आयोजित
राष्ट्रध्वज वंदन आणि संचलन समारंभात पालकमंत्री गिरीष महाजन यांच्या हस्ते मुख्य
शासकीय ध्वजारोहण करण्यात आले.
श्री.महाजन यांनी नागरिकांना प्रजासत्ताक दिनाच्या शुभेच्छा दिल्या. यावेळी
परेड कमांडर सहाय्यक पोलीस आयुक्त अशोक नकाते आणि
सेकंड
परेड कमांडर पोलीस उपनिरीक्षक रविंद्र
दामोदर
यांच्या नेतृत्वाखाली झालेल्या शानदार संचलनाद्वारे राष्ट्रध्वजाला मानवंदना
देण्यात आली.
संचलनात पोलीस आयुक्तालय नाशिक, पोलीस अधीक्षक नाशिक ग्रामीण, होमगार्ड, शहर
वाहतूक शाखा, वनविभाग, अग्नीशामक दल, भोसला मिल्ट्री स्कुलचे आर्मी विंग, नेव्हल विंग, एअर विंग तसेच अश्वदल, राज्य उत्पादन शुल्क,
पर्यटन वाहन, वरुण वाहन, वज्र वाहन, के डब्ल्यु कॉलेज, न्यु मराठा वाघ गुरुजी
शाळेचे स्काऊट पथक आणि पोलीस बँड, डॉग युनिट वाहन, जलद प्रतिसाद पथक आदी पथकांनी सहभाग घेतला.
संचलनाच्यावेळी सामाजिक वनीकरण विभाग, महानगरपालिका, चाईल्ड लाईन, समाजकल्याण, मतदार जागृती, जलयुक्त शिवार, आयुषमान भारत, आदिवासी विकास विभाग आदी विविध चित्ररथाद्वारे शासनाच्या योजनांची माहिती
देण्यात आली.
ध्वजारोहणानंतर पालकमंत्र्यांनी उपस्थित स्वातंत्र्य सैनिक आणि मान्यवरांची भेट घेऊन त्यांना प्रजासत्ताक दिनाच्या शुभेच्छा दिल्या.
कार्यक्रमाला खासदार हरिश्चंद्र चव्हाण, आमदार बाळासाहेब
सानप, देवयानी फरांदे, महापौर रंजना भानसी, जि.प.अध्यक्षा शितल सांगळे, विभागीय आयुक्त राजाराम माने, विशेष पोलीस महानिरीक्षक छेरींग दोरजे, पोलीस आयुक्त रविंद्र सिंगल, जिल्हाधिकारी राधाकृष्णन बी., महाराष्ट्र पोलीस अकॅडमीच्या संचालक अश्वती दोरजे, महापालिका
आयुक्त राधाकृष्ण गमे, पोलीस अधीक्षक
संजय दराडे, मुख्य कार्यकारी अधिकारी डॉ. नरेश गिते, सहायक जिल्हाधिकारी कुमार आशिर्वाद, स्वातंत्र्य सैनिक, लोकप्रतिनिधी, विविध विभागांचे
अधिकारी, कर्मचारी आणि नागरीक उपस्थित होते.
रंगतदार सांस्कृतिक कार्यक्रमाचे आयोजन
ध्वजारोहणानंतर देशाच्या संस्कृती आणि राष्ट्रभक्तीचे दर्शन घडविणाऱ्या विविध
सांस्कृतिक कार्यक्रमांचे आयोजन करण्यात आले. त्यात जेम्स इंग्लिश मेडियम
स्कुलच्या विद्यार्थ्यांनी सादर केलेल्या मल्लखांब आणि एरीयल सिल्क स्पोर्टस् तसेच पेठ तालुक्यातील
नाचलोंढी येथील जिल्हा परिषद शाळेच्या विद्यार्थ्यांनी सादर केलेल्या आदिवासी
नृत्याने उपस्थितांची मते जिंकली.
फ्रावशी अकॅडमीच्या विद्यार्थ्यांनी
समुहगीत, न्यू इरा इंग्लिश मेडियम स्कूलच्या विद्यार्थ्यांनी भारुड, आदर्श
माध्यमिक विद्यालयाच्या विद्यार्थ्यांनी देशक्तीपर समुह नृत्य आणि समर्थ योग
संस्थेच्या विद्यार्थ्यांनी ‘योग यज्ञ’ हा
कार्यक्रम सादर केला. एमएसबी एज्युकेशन इन्स्टिट्युटच्या विद्यार्थ्यांनी सादर
केलेल्या ताल आणि शिस्तबद्ध बँड फार्मेशला टाळ्यांच्या गजरात दाद मिळाली.
पालकमंत्र्यांच्या हस्ते विविध पुरस्काराचे वितरण
पालकमंत्री महाजन यांच्या हस्ते यावेळी विविध पुरस्कारांचे वितरण करण्यात आले. संत गाडगेबाबा
ग्राम स्वच्छता अभियान सन 2017-18 अंतर्गत विभागस्तरीय स्पर्धेत राष्ट्रसंत
तुकडोजी महाराज स्वच्छ ग्राम प्रथम पारितोषिक अवनखेड ता.दिंडोरी, द्वितीय
पारितोषिक अहमनगर जिल्ह्यातील लोणी व
चांदवड तालुक्यातील राजदेरवाडी ग्रामपंचायतीला विभागून, तसेच पारनेर तालुक्यातील वडनेर ग्रामपंचायतीला
तृतीय क्रमांकाचे पारितोषिक प्रदान करण्यात आले.
जळगाव जिल्ह्यातील मेहेरगांव ग्रामपंचायतीला स्व.वसंतराव
नाईक स्मृती पुरस्कार , धुळे जिल्ह्यातील परसामळ ग्रामपंचायतीला डॉ.बाबासाहेब
आंबेडकर पुरस्कार आणि जळगाव जिल्ह्यातील सुसरी ग्रामपंचायतीला स्वर्गीय आबासाहेब खेडकर पुरस्कार देवून गौरविण्यात आले.
शंभर टक्के अपंग असुनही 4 हजार विद्यार्थ्यांना मार्गदर्शन
करणारे राहुल विंचुरकर व सटाणा येथील काकासाहेब भामरे निवासी अपंग कल्याण
केंद्राला दिव्यांग व्यक्ती प्रेरणा पुरस्कार, तर जिल्हा निवडणुक अधिकारी प्रज्ञा बडे-मिसाळ यांना
स्वच्छ भारत मिशन अंतर्गत पर्यटन प्रादेशिक व्यवस्थापक म्हणून केलेल्या
कामगिरीबद्दल पुरस्कार देवून गौरविण्यात आले.
भद्रकाली पोलीस स्टेशनचे सहाय्यक पोलीस उपनिरीक्षक विलास मोहिते, व शहर गुन्हे शाखा
पोलीस उपनिरीक्षक जाकीर हुसेन शेख यांना राष्ट्रपती पदक जाहीर झाल्याबद्दल सन्मानित
करण्यात आले. सहाय्यक पोलीस आयुक्त (वाहतुक) अशोक नकाते, अपर पोलीस अधिक्षक
सुरक्षा उपसंचालक महाराष्ट्र पोलीस अकॅडमी दिपक गिऱ्हे, अपर पोलीस अधिक्षक तथा उपसंचालक (बाह्यवर्ग) पोलीस अकॅडमी विजयकुमार
चव्हाण यांना अंतरिक सुरक्षा सेवा पदक प्रदान करण्यात आले. मालेगांव किल्ला पोलीस स्टेशनचे पोलीस निरीक्षक
भाऊसाहेब पठारे यांना पोलीस महासंचालक विशेष सेवा पदक, तर पोलीस अकॅडमीचे सहाय्यक संचालक सुनिल गोसावी यांना केंद्रीय गृहमंत्री पदक प्रदान करण्यात आले.
वनकायद्यांतर्गत आदिवासी शेतकऱ्यांना पालकमंत्री महाजन यांच्या
हस्ते जमिनीचे पट्टे वाटप करण्यात आले.
खेलो इंडिया स्पर्धेत यश संपादन करणाऱ्या खेळाडू व प्रशिक्षक
विजेंद्र सिंग यांचादेखील यावेळी गौरव करण्यात आला. आंतरराष्ट्रीय क्रीडा मार्गदर्शक अथेलेटिक्स, दुर्गा देवरे 1500 मीटर सुवर्ण, 400 मीटर रिले सुवर्ण, पुनम सोनवणे 5 हजार मीटर सुवर्ण, 3 हजार मीटर रजक पदक, दिनेश 10 हजार मीटर सुवर्ण, ताई ब्राम्हणे 1500 मीटर कांस्य, चंदु चावरे खो खो
सुवर्ण.
शशांक वझे यांना
गुणवंत क्रीडा कार्यकर्ता पुरस्कार, मंगला शिंदे यांना गुणवंत क्रीडा मार्गदर्शक पुरस्कार, सागर नागर आणि सायली
सुर्यवंशी यांना गुणवंत खेळाडू पुरस्कार तर सुश्मिता पवार आणि गौरव लांबे यांना गुणवंत
खेळाडू थेट पुरस्कार प्रदान करण्यात आले.
----
गरीब व गरजू कुटुंबांना शासकीय योजनांचा लाभ-पालकमंत्री
नाशिक दि.26: समाजातील सर्व घटकांना
विकासप्रक्रीयेत सहभागी करून घेण्याचा शासनाचा प्रयत्न असून गरीब व गरजू
कुटुंबांना शासनाच्या विविध योजनांचा लाभ देण्यात आला आहे. तसेच कृषी योजनांच्या
माध्यमातून शेती व शेतकरी समर्थ करण्याचे शासनाचे प्रयत्न आहेत, असे प्रतिपादन
राज्याचे वैद्यकीय शिक्षण, जलसंपदा व लाभक्षेत्र विकासमंत्री तथा जिल्ह्याचे
पालकमंत्री गिरीष महाजन यांनी केले.
प्रजासत्ताक
दिनानिमित्त जिल्ह्यातील जनतेला शुभेच्छा देताना ते बोलत होते. श्री.महाजन
म्हणाले, कौशल्य विकास, अण्णासाहेब पाटील महामंडळ, विद्यार्थ्यांसाठी शिष्यवृत्ती,
मुद्रा बँक योजना आदींच्या माध्यमातून युवकांना रोजगार व स्वयंरोजगार देण्याचा
प्रयत्न करण्यात येत आहे. त्याचा लाभ अनेक युवकांनी घेतला आहे.
जलयुक्त
शिवार, मागेल त्याला शेततळे, उन्नत शेती समृद्ध शेतकरी अशा योजनांच्या माध्यमातून
शेतकऱ्यांना शाश्वत शेतीकडे वळविण्याचे यशस्वी प्रयत्न होत आहेत. जिल्ह्यात
आदिवासी शेतकऱ्यांना वनपट्टयांचे मोठ्या प्रमाणात वाटप करण्यात आले आहे. जिल्हयात दुष्काळग्रस्त
भागातील शेतकऱ्यांना मदत देण्यासाठी 170 कोटी रुपये मंजूर करण्यात आले आहे.
जिल्ह्याने
घरकूल योजनेत चांगली कामगिरी केली असून राज्यात प्रथम क्रमांकावर आहे. महात्मा
फुले आणि आयुषमान भारत योजनेअंतर्गत गरीब व गरजू रुग्णांना आरोग्य सुविधा मोफत
उपलब्ध करून देण्यात येत आहेत. स्मार्ट सिटी प्रकल्पांतर्गत नाशिक शहराला स्वच्छ व
सुंदर बनविण्याचे प्रयत्न होत असल्याचे त्यांनी सांगितले. पुणे येथे झालेल्या ‘खेलो
इंडिया’ स्पर्धेत यश संपादन करणाऱ्या खेळाडुचे श्री.महाजन यांनी अभिनंदन केले.
----
नाशिक दि.26: भारतीय प्रजासत्ताकाच्या 69 व्या वर्धापन
दिनानिमित्त जिल्हाधिकारी कार्यालय येथे जिल्हाधिकारी
राधाकृष्णन बी. यांच्या हस्ते मुख्य शासकीय ध्वजारोहण करण्यात आले.
यावेळी सहाय्यक
जिल्हाधिकारी कुमार आशिर्वाद, निवासी उपजिल्हाधिकारी
रामदास खेडकर, उपजिल्हाधिकारी डॉ.शशिकांत मंगरुळे, तसेच विविध विभागाचे
अधिकारी व कर्मचारी आदि उपस्थित होते. यावेळी तंबाखुमुक्तीची शपथ घेण्यात आली.
---
No comments:
Post a Comment