सामान्य खेळाडुंना
क्रीडा सुविधांचा लाभ द्या-राजाराम माने
नाशिक,
20 : विभागीय क्रीडा संकुलातील
क्रीडा सुविधांचा लाभ सामान्य खेळाडुंना अत्यंत कमी शुल्कात मिळेल याकडे विशेष लक्ष
द्यावे, असे निर्देश विभागीय आयुक्त राजाराम माने यांनी दिले.
विभागीय आयुक्त कार्यालयात आयोजित विभागीय क्रीडा संकुल समितीच्या बैठकीत ते बोलत
होते. बैठकीस जिल्हाधिकारी राधाकृष्णन बी., मुख्य कार्यकारी अधिकारी नरेश गिते, प्र.
क्रीडा उपसंचालक रविंद्र नाईक आदी उपस्थित होते.
श्री.माने म्हणाले, सामान्य कुटुंबातील खेळाडुच्या
क्रीडा गुणांना क्रीडा संकुलाच्या माध्यमातून प्रोत्साहन मिळायला हवे. त्यासाठी आवश्यक
सुविधा संकुलात निर्माण करण्यात याव्यात व अशा खेळाडुंना प्रोत्साहन देण्यात यावे.
संकुलाच्या सुरक्षेच्यादृष्टीने अधिक सुरक्षा रक्षकांची नेमणूक करण्यात यावी आणि सीसीटीव्ही
बसविण्यात यावेत. युथ होस्टेलच्या उभारणीच्या कामाला गती द्यावी आणि दिलेल्या खर्चाच्या
मर्यादेत सुधारीत आराखडा सादर करावा, असे निर्देश त्यांनी दिले.
बैठकीत
युथ होस्टेलची उभारणी, सिंथेटीक ट्रॅक आणि टेनिस कोर्टची सुरक्षा, सुरक्षा भिंतीची
उंची वाढविणे आदी विविध विषयांवर चर्चा करण्यात आली. बैठकीस समितीचे सदस्य उपस्थित
होते.
-----
No comments:
Post a Comment