रुग्णवाहिका लोकार्पण

सामाजिक उत्तरदायित्व निधीतून लोककल्याणाचे केलेले काम महत्वपूर्ण

-         राधाकृष्णन बी.  ख्Pz

नाशिक, दि 10 :- पॉवर ग्रीड कार्पोरेशन ऑफ इंडीयाने देशासाठी समर्पित भावनेने वीज प्रकल्प पूर्ण करताना सामाजिक उत्तरदायित्व निधीतून लोककल्याणाच्या कामांसाठी दिलेले योगदान महत्वपूर्ण आहे, असे प्रतिपादन जिल्हाधिकारी राधाकृष्णन बी. यांनी केले.

          जिल्हाधिकारी कार्यालयात  आयोजित जिल्हा शासकीय रुग्णालयासाठी रुग्णवाहिका आणि  दिंडोरी तालुक्यातील अवनखेड ग्रामपंचायतीला स्कूल बसच्या लोकार्पण कार्यक्रमप्रसंगी ते बोलत होते. कार्यक्रमास खासदार हरिश्चंद्र चव्हाण, पॉवर ग्रिड कार्पोरेशनचे महाप्रबंधक राजेशकुमार, जिल्हा शल्य चिकीत्सक डॉ. सुरेश जगदाळे, अवनखेडचे सरपंच नरेंद्र जाधवआदी उपस्थित होते.

          श्री.राधाकृष्णन म्हणाले, रुग्णवाहिका आणि स्कूल बसच्या माध्यमातून पॉवर ग्रिड कार्पोरेशनने लोकसेवेच्या कामांची सुरूवात केली आहे. आदवासी क्षेत्रातील कुपोषण मुक्ती कार्यक्रम आणि जलयुक्त ग्राम योजनेसाठी करण्यात येत असलेल्या कामांमध्येदेखील त्यांचा सहभाग आहे. लवकरच प्रत्येक तालुक्यामध्ये कार्पोरेशनच्या सहकार्याने ‘इन्फॉर्मेशन किऑस्क’ उभारण्यात येणार आहेत. जनतेला माहिती घेणे, सातबारा सह विविध दाखले मिळवणे, रेल्वे आरक्षणसाठी आदीसाठी  जनतेला त्याचा उपयोग होईल, असे त्यांनी सांगितले.

अवनखेडचा समावेश देशातील अग्रेसर गावात होण्याच्यादृष्टीने प्रयत्न सुरू आहेत. कोणताही प्रकल्प पुर्ण करताना शेतकऱ्यांच्या जीवनात बदल घडवून आणण्यासाठी सहकार्य करण्याची गरज असल्याचे यावेळी खा.चव्हाण म्हणाले.

श्री. राजेशकुमार यांनीदेखील यावेळी  विचार व्यक्त केले.

0000