अंधशाळेत प्रवेश

शासकीय अंधशाळेत प्रवेश प्रक्रीया सुरू

       नाशिक, दि. 22: जिल्हा परिषदेच्या समाज कल्याण विभागाच्या अधिनस्थ असलेल्या शासकीय अंध शाळा नाशिक येथे 2018-19 या  वर्षाकरीता दहा रिक्त जागांसाठी अंध विद्यार्थ्यांना प्रवेश देण्यात येत असून शासनातर्फे निवास, भोजन, शालेय गणवेश, शैक्षणिक व वैद्यकिय सुविधा मोफत पुरविल्या जाणार आहेत.

शाळेत  6 ते 14 वयोगटातील मुलांना प्रवेश दिला जाईल. जिल्हा शल्य चिकित्सक यांचेकडील अंधत्वाचा दाखला अर्जासोबत जोडावा. विद्यार्थ्यांस कोणताही प्रकारचा संसर्गजन्य व गंभीर आजार व इतर कोणत्याही प्रकारचे अपंगत्व नसावे. प्रवेशासाठी जासत्‍ अर्ज आल्यास कमी वयोगटातील विद्यार्थ्यांना  आणि बाहेरगावच्या विद्यार्थ्यांना प्रथम प्राधान्य दिले जाईल.

शाळा प्रवेशासाठीचे अर्ज अधिक्षक, शासकीय अंध शाळा, डॉ. बाबासाहेब आंबेडकर सामाजिक न्याय भवन आवार, नासर्डी पुलाजवळ, नाशिक-पुणे रोड, नाशिक  येथे सकाळी 10 ते सायंकाळी 6 वेळेत मोफत उपलब्ध आहेत.

अधिक माहितीसाठी अधिक्षक शासकीय अंध शाळा (दूरध्वनी क्रमांक 0253- 2237568) अथवा जिल्हा समाजकल्याण अधिकारी, जिल्हा परिषद, नाशिक येथे संपर्क साधावा, असे शाळेच्या अधिक्षकांनी कळविले आहे.

000000